Vortónleikar KAG

Karlakór Akureyrar-Geysir heldur vortónleika sína á Dalvík og Akureyri, 14. og 15. maí. Vortónleikar eru jafnan hápunktur starfsársins og þar fá tónleikagestir að heyra afrakstur æfinganna hjá KAG-félögum í vetur. 

Á þessum tónleikum verður flutt blanda af nýju og gömlu efni, veraldleg lög og kirkjuleg, negrasálmar og dægurlög. Elsta lagið er frá miðri 16. öld eftir Giovanni Pierluigi da Palestrina og það nýjasta eftir Gunnar Halldórsson félaga í KAG.

Einsöngvarar á tónleikunum eru þrír: Erlingur Arason, Heimir Ingimarsson og Jónas Þór Jónasson. Stjórnandi KAG er Valmar Väljaots og undirleikari Jaan Alavere.

Tónleikarnir á Dalvík verða í Menningarhúsinu Bergi, föstudagskvöldið 14. maí, kl 20:30. Á Akureyri verða tónleikarnir í Glerárkirkju, laugardaginn 15. maí, kl. 16:00. Aðgangseyrir er krónur 2.000.