Viðburðaríkt KAG vor í vændum

Nú standa sem hæst æfingar fyrir vordagskrá Karlakórs Akureyrar-Geysis. Það stendur mikið til enda fjöldi tónleika og annarra viðburða framundan. Vorið er viðburðaríkasti tími kórsins og æfingar hafa staðið í allan vetur.

2. 3. og 11. apríl tekur "KAG-Euro" þátt í opnunarhátíð Valhalla-Bank á Glerártorgi.
 
17. apríl fer kórinn austur á land og syngur með Karlakórnum Jökli á tónleikum á Hornafirði.

18. apríl verða svo tónleikar með Karlakórnum Drífanda í Egilsstaðakirkju.

30. apríl mætast "litli og stóri" á sameiginlegum tónleikum KAG og Drengjakórs Glerárkirkju í Flugsafni Íslands.

8. maí endurgjalda félagar í Karlakórnum Jökli heimsóknina og syngja ásamt KAG í Glerárkirkju.

15. maí syngur kórinn við setningu landsfundar Landsbjargar í Höllinni á Akureyri. Undir kvöld heldur svo KAG til Hríseyjar og syngur þar á tónleikum í nýja íþróttahúsinu. Stór dagur hjá okkur.

16. maí nær KAG vorið svo hámarki með árlegum Vortónleikum kórsins í Glerárkirkju. Vorhátíðin er svo um kvöldið í Lóni og verða menn örugglega glaðir og hressir að vanda þar.