Norðurorka styrkir KAG

Stjórnarmennirnir Gunnar Páll Ólason og Magnús Ólafsson taka við styrknum úr hendi Helga Jóhannessonar, forstjóra Norðurorku

Karlakór Akureyrar-Geysir var eitt þeirra félaga sem fengu, í upphafi árs, úthlutað styrkjum Norðurorku hf. til samfélagsverkefna. Kórinn fékk styrk að upphæð kr. 200.000.-

Af hálfu Norðurorku var ákveðið að meginþungi styrkja þetta árið færi til menningar- og listastarfs með áherslu á starf kóra.  Þá voru einnig styrkt nokkur verkefni í flokknum „ýmis samfélagsmál“ og þar lögð áhersla á börn sem glíma við ofvirkni, athyglisbrest og einhverfu.

Byggt var á því að verkefnin sem hlytu styrk væru fjölbreytileg þannig að styrkþegar komi úr sem flestum áttum.

Veittir voru styrkir til þrjátíu og þriggja verkefna samtals að fjárhæð krónur 5.175.000.-