KAG í söngferð um Austurland

Karlakór Akureyrar-Geysir heldur í söngferð um Austurland 17. og 18. apríl og syngur á tónleikum á Hornafirði og Egilsstöðum. Í ferðinni slæst KAG í för með félögum sínum í Karlakórnum Jökli á Hornafirði og Karlakórnum Drífanda á Fljótsdalshéraði.

Föstudaginn 17. apríl sameinast KAG og Karlakórinn Jökull á Hornafirði og enda þeir daginn á tónleikum í Hafnarkirkju.

Laugardaginn 18. apríl heldur KAG til Héraðs og sameinast þar Karlakórnum Drífanda. Saman halda kórarnir tónleika í Egilsstaðakirkju á laugardagskvöld.

Þó langt sé á milli þessara þriggja karlakóra, landfræðilega séð, þá eiga þeir ýmislegt sameiginlegt. Til dæmis eru í Karlakór Akureyrar-Geysi, félagar sem bæði hafa sungið með Karlakórnum Drífanda og Karlakórnum Jökli.