KAG gengur til liðs við Frostrósir!

Karlakór Akureyrar-Geysir syngur á jólatónleikum Frostrósa í Hofi á Akureyri, föstudaginn 17. desember. Þessir risatónleikar verða á meðal glæsilegustu viðburða í Hofi á árinu, þar sem á þriðja hundrað manns koma fram í glæsilegri umgjörð þessarar miklu tónlistarhátíðar.



Söngkonur Frostrósa á jólatónleikunum á Akureyri verða Eivør, Hera Björk, Margrét Eir, Ragnheiður Gröndal og Regína Ósk. Í karlaliði Frostrósa eru þeir Friðrik Ómar, Garðar Thór Cortes, Jóhann Friðgeir og Stefán Hilmarsson. Tónlistarstjóri Frostrósa er Karl O. Olgeirsson og Árni Harðarson stjórnar Stórhljómsveit Frostrósa.

Á tónleikum Frostrósa í Hofi syngja Karlakór Akureyrar-Geysir, félagar úr Vox feminae, félagar úr Íslenska gospelkórnum og Skólakór Hrafnagilsskóla, með einsöngvurunum. Vel yfir 200 manns á risasviði í hátíðlegri umgjörð sem á vart sinn líka í íslensku tónleikahaldi!

www.frostrosir.is