Aftur af stað eftir gott jólafrí

Þá er allt komið á fullt eftir góða hvíld yfir jól og áramót. Og víst er að KAG félagar munu ekki sitja auðum höndum næstu vikur og mánuði. 

Starfið fram á vor og sumar verður fjölbreytt og skemmtilegt. Kaffitónleikar í Lóni, Hæ tröllum, Heklumót á Ísafirði, Skotlandsferð og svo mætti lengi telja. 

Haldinn var góður fundur á fyrstu æfingu eftir jól og Snorri fór yfir starfið framundan. Þá ítrekaði Valmar góða mætingu og hvatti menn til að taka vel á því næstu vikurnar.

Fljúgandi start í byrjun árs og allir syngjandi sælir eins og KAG er von og vísa!