Valmar (Hvanndal) Väljaots er fæddur í Tallinn í Eistlandi árið 1967. Hann hóf sitt tónlistarnám
í tónlistarskóla Músik-akademíunnar árið 1974 og lauk námi 1985. Þá fór hann í einleikara- og kennaranám
í lágfiðluleik til 1994.Það sama ár flutti hann svo til Íslands ásamt fjölskyldu sinni og hefur kennt hér síðan. Fyrst var hann á Húsavík, síðan sem tónlistarskólastjóri á Laugum og í Mývatnssveit. Nú er hann fluttur til Akureyrar og starfar sem tónlistarmaður við Glerárkirkju auk þess að spila hér og þar með hinum og þessum.
Tónlistarferillinn hefur verið mjög fjölbreyttur enda spilar hann á ótal hljóðfæri eins og píanó, hljómborð, harmonikku, fiðlu, mandolín og fleira. Hann hefur flutt list sína áheyrendum um víða veröld; í Evrópu, Norður-Ameríku, Singapore og Ástralíu, svo nokkrir staðir séu nefndir. Sumarið 2007 fór hann með KAG í heilmikla söngferð til Eistlands og Finnlands.
Valmar er líka einn af Hvanndalsbræðrum!
